بنت ابو علي
انت في الصفحة 7 من 7 صفحات
أطلق منه حاولوا يهدوني ويقوليلي ده قرار وقت ڠضب ومخربش بيتي بس أنا كنت وصلت لنقطة إني مش هقدر أبص في وشه تاني
إنت إزاي تاخدي فلوسه وشقى عمره ليكي ده لو إنت مراتي هطلقك بعد عملتك دي
قالها أخويا پغضب رديت عليه پغضب مماثل وقلت
واللي هو عمله ده شوية
لا مش شوية وغلط في حق ربنا عمل حاجة حرام غلط في حق نفسه قبل ما يكون غلط في حقك
متخافش يا محمد أنا تربية أبوك وأمك وعمري ما هقبل على نفسي حاجة حرام أنا عملت كده عشان أوجعه وأول ما يطلقني هرجعله كل ده
هترجعيله ولا بتقولي كده وخلاص
تتوقع إني أخد حاجة مش من حقي أنا عاوزة أوجعه ودي أكتر حاجة هتوجعه
بعد ساعات حصل اللي توقعت وكان إبراهيم في بيت أهلي وكان في حالة أسوأ من ما توقعت
أول ما قال الكلام ده أهلي وقفوله وبالأخص أخويا اللي كان بيهديني وعاوزني أرجع بيتي بهدله وجاب لي حقي منه
مر أسبوع والدنيا كانت بتزيد سوء كان بيبعتلي ناس عشان أرجعله فلوسه كنت مقهورة إن كل اللي همه فلوسه ونسيني ونسي ولاده مفكرش يطيب خاطري يعتذر لي يقولي أي حاجة
مكنش صعبان عليا في الوقت الصعب دا غير ولادي اللي كانوا في حالة صدمة من أبوهم وأمهم اللي اتحولوا لوحوش برية بياكلوا في بعض
عمري ما كنت متخيلة إني ممكن أكون جوايا وحش قادر إنه يفتك باللي قدامه مصدقتش إن السوء دا ممكن يطلع مني بس هنا اتأكدت إن كل إنسان جواه الخير والشړ والناس اللي بتختار تطلع منه إيه
اتحكملي في قضية النفقة وبقيت باخد 60 من مرتبه ولما هو لقى نفسه بيخسر قالي نطلق بعيد عن المحاكم وبالفعل دا اللي حصل واتطلقنا
بعد طلاقي كنت في صدمة مش قادرة أصدق إن دي نهاية بيتي الهادي اللي كنت عايشة فيه بكل سعادة دخلت في حالة حزن واكتئاب رغم إن حصل اللي كنت عاوزاه بس متوقعتش إني هزعل كل الزعل دا
غمضت عيوني وأنا بيتعاد قدام عيوني شريط حياتي الزوجية اللي ابتدت بسعادة وهنا
واهتمام وحب وانتهت بمحكمة الأسرة
غصت في أفكاري وأنا مش عارفة إن كان اللي عملته دا صح وإني هربي ولادي بعيد عن أب هيأثر على سلوكهم بالسلب
ولا غلط وإني دمرتهم والحياة في بيت فيه أب أهم من أي حاجة
فتحت عيوني وأنا بقول لنفسي هل اتطلقتي لأجل ولادك وتربيتهم صح بعيد عن أخطاء أبوهم ولا اتطلقتي لأجل وجعك
بنت أبو علي
بقلم شيماء حسن الصيرفي
