لم تكن من البدايه سعيده
بصوت عالي وهو عمال يطبطب عليها وبيقولها حقك عليا أنا أنا اسف
الظابط جه وقال مازن خلاص إبعد إحنا لينا تصرف معاه
مازن قرب من عيسي اللي فقد الوعي وزينة مازالت حاضناه وهي بټعيط
جه الظابط وقال هرن علي عربية الإسعاف
مازن بأعصاب سايبة مفيش وقت أنا هاخدو في عربيتو وإنتو عندكو المخزن ب وائل
شال عيسي وطلع بيه وطلعت زينة معاه وهي مازالت بټعيط
بعد ساعة
وصل مازن قدام باب المستشفي ونزل وزعق فيهم كلهم وقال حد ييجي بسرعة ھيموت مني
أخدوه من العربية وحطوه علي ترولي ودخلو بيه أوضة العمليات
بعد ثلاث ساعات
طلع الدكتور وهو بياخد نفسه قرب عليه مازن وقال طمني عيسي بخير
الدكتور بهدوء كويس بس هياخد وقت علي ما يتعافي
الدكتور واخد بنج يعني هيفوق بعد ساعة وهو هيتنقل أوضة عاديه تقدرو تشوفوه لما يصحي
طلع عيسي وهو نايم علي الترولي زينة مسكت إيده ومشيت معاه
مازن بص للدكتور بشك وقال متأكد إنو بخير
الدكتور بإبتسامة صدقني
بخير وهو بس هيحتاج راحة وتغيير علي الچرح وفيه علاج هياخدو
مازن هز راسه ومشي راح أوضة عيسي
دخل مازن وقال هيبقا كويس والله وهيفوق وهيرجع يناكف فينا كمان
زينة بعياط مش مهم المهم يفوق والله
زينة بصت لمازن وقالت مرات عمي مينفعش تعرف لو عرفت هتتعب جامد
مازن بحيرة إزاي وعيسي لازم علي الأقل يقعد يومين في المستشفي
زينة بنفي لأ لأ هيطلع معانا أول ما يفوق وأنا ههتم بيه هغير علي الچرح وهديلو علاجو وههتم بيه والله بس أرجوك تتصرف تخليه يروح معانا
بصت زينة علي عيسي وسكتت
بعد ساعة
بدأ عيسي يحرك
إيده اللي كانت ماسكاها زينة
أول ما حرك إيده زينة قامت بلهفة والدموع مغرقة وشها وقفت قصاده
فتح عيسي عينيه شاف زينة واقفة بټعيط
كان هيتعدل في قعدتو بس مقدرش بسبب ۏجع ضهره
قالت زينة بحزن خليك كدة علشان ضهرك
عيسي بهدوء علي إيه
زينة بدأت ټعيط علي المشاكل اللي جات فوق راسك من ساعة ما أنا جيت وكمان إتأذيت بسببي
إنتي ملكيش ذنب وبعدين فداكي كل حاجة
زينة مسكت فيه أكتر وقالت بس مش فدايا إنت
بعدت عن حضنه وقالت قبل ما كنت هتمضي علي ورقة طلاقنا كنت قولتلي حاجة
عيسي بهدوء قولت أسف
زينة بإبتسامة
عيسي بغباء قولت إيه قبل أسف مش فاكر
بصتلو بغيظ وقبل ما تتكلم هيدخل مازن يقول حمدلله علي سلامتك يا برو
عيسي بإبتسامة الله يسلمك يا مازن
زينة بصت لمازن وقالت قولت للدكتور
مازن هز راسه وقال وافق بعد إلحاح كبير
مازن بص لعيسي وقال هتقدر تمشي ولا أشيلك
عيسي شايفني نيللي قدامك تعالي بس خليني أسند عليك
بعد ساعة
دخل عيسي الڤيلا وهو مسنود علي زينة ومازن
كانت نيهال قاعدة مستنياهم وقلقانه أول ما شافتهم قامت قربت عليهم وقالت بقلق مالك يا عيسي إنت كويس
بصت علي فستان زينة إتفزعت وقالت إيه دا فيه إيه
زينة بهدوء متقلقيش يحبيبتي إحنا بخير
بصت علي عيسي وقالت بقلق عيسي مش كويس
مازن بهدوء يا خالتي والله زي القرد بس هي طلقه بسيطة بس متقلقيش
سندوه لحد أوضتو ونيموه علي السرير نيهال قعدت جمبو وفضلت ټعيط
مسح عيسي دموعها وقال والله أنا بخير متقلقيش هما يومين راحة وهرجع كويس والله
نيهال قامت وقالت أنا هنزل أعملك أكل علشان تعوض الډم اللي فقدتو دا
نيهال طلعت ومازن قام وقال وأنا هروح أشوف ريهام وهجيلك تاني
عيسي هز راسه ومازن طلع
زينة فضلت قاعدة مكانها جمبو وعماله تبصلو وبس عيسي بإبتسامة مش هتغيري هدومك
زينة إنتبهت علي هدومها وقالت أه هقوم أغيرها
وأجيلك
أخدت هدوم ودخلت أخدت شاور وطلعت لاقتو قاعد حزين
قربت منو وهي لابسه بيچامة بيتي وشعرها المبلول مفرود علي ضهرها وقالت عيسي إنت كويس
عيسي إنتبه ليها وقال أنا بخير
بص علي شعرها وإبتسم وقال تعرفي شعرك بيبقا حلو أوي وهو مبلول
إبتسمت بخجل ورجعت شعرها ورا ودنها وقالت شكرا
في بيت سهير
فتحت ريهام الباب ولما شافت مازن قالت ياااه أخيرا حنيت عليا وجيت
مازن بإبتسامة حب وحشتيني
ريهام إبتسمت بخجل وقالت وإنت كمان علي فكرة
مازن بغمزة إتطورنا وبقينا بنعرف نقول كلام حلو أهو
ريهام إتنهدتت وقالت فيه حاجة عايزه أقولهالك يا مازن
ماز إبتسم وقال قولي يا قلب مازن
شدت إيديه ودخلتو أوضة الصالون وقفلت الباب
مازن بمشاكسة بتقفلي الباب ليه يا ولية الشيطان تالتنا هتستفردي بيا!
ريهام ضحكت وقالت عايزه أقولك حاجة يا مازن
مازن قعد وقال قولي يا قلب مازن سامعك
ريهام أخدت نفس عميق وقالت مازن أنامازن أنا بحبك أوي مكونتش في الأول بحبك ومنكرش دا بس بعد كدة حبيتك حبيت إهتمامك بيا وحبك ليا وبأدق التفاصيل بتاخد بالك منها مش بتنيمني زعلانة ولا عمري زعلتني منك وشايلني دايما ف عيونك أنا حبيتك وأوي يمكن لسه في بداية حبي ليك بس حقيقي مش هقدر أعيش حياتي دي من غيرك
مازن كان بيسمع كلامها وهو مصډوم وفيه إبتسامة عريضة مرسومة علي وشو
ريهام بإبتسامة قلبي بقا معاك وبين إيديك خليني أنا كمان ملكك وبين إيديك بقا
نزلها علي الأرض وقال وهو مازال محاصرها بين إيديه هعمل دا أكيد بس عيسي يقوم بالسلامة
ريهام قلقت وقالت مالو عيسي
إستغرب من نظرة القلق اللي في عيونها بس حط في دماغو إنها مازالت بتتعافي من حبو قال بهدوء واخد طلقة
بعدت لورا وقالت پصدمة طلقة!
مسك إيديها وقعدها وقال تعالي يا حبيبي هحكيلك
في الكافيه المول
رامي قاعد وهو بيتكلم في الفون وبيقول أنا مكان ما قولتيلي أتنيل أقعد فينك إنتي بقا
البنت بضحك مستعجل للدرجادي علشان تشوفني
رامي بإبتسامة أنا علي ڼار علشان أشوفك حقيقي
البنت إبتسمت وقالت طب يلا باي بقا وهتلقاني قصادك دلوقتي
قفلت معاه وهو مسك الفون وقعد يلعب فيه وهو بيهز رجله مستنيها تيجي
قعدت بنت قصاده وقالت بحب رامي
رامي رفع راسه بملل بس إتصدم لما لقاها
رامي رفع راسه بملل بس إتصدم لما لقاها تقي
رامي بصدممه تقي!
تقي نزلت راسها بإحراج وقالت أه تقي
رامي ضحك وقال مكونتش متخيل إن إنتي كنت فاكرها بنت من البنات اللي قابلتها في حياتي لكن مجاش في دماغي إنتي خالص
رفعت وشها وقالت بدموع علشان عمرك ما ركزت معايا عمرك ما فكرت أصلا إنك تبصلي يوم خطوبة ريهام واقفة معاك وبنتكلم سيبتني وروحت وقفت مع بنت تانية
كان لبسها محزق وملزق وفضلتو تضحكو أنا أه مليش دعوة ومش من حقي أتدخل بس أنا بحبك وكون إنك تكون مع غيري دا
موضوع صعب عليا لما بشوفك مع أي بنت تانيه أو بعرف إنك عرفت بنت بتبقي فيه
ڼار جوايا كان لازم أدخل حياتك بطريقة
غير مباشرة وكنت فاكرة إن هاجي في دماغك وتفتكرني أنا بس أهو أديك قولتها مجاش في دماغي خالص
إتنهدت وقالت رامي أنا بحبك من بدري أوي من أيام ما كنا في ثانوي وإنت بتيجي توصل ريهام من المدرسة وتاخدها شوف إنت عرفت كام واحدة بقا من ثانوي لحد النهارده وأنا متخرجة وإنت عرفت بنات كتير وفتحت قلبك لبنات كتير بس أنا قلبي إنت دخلتو وقفلت عليه ومحدش غيرك جواه بس أنا معتش قادرة أستحمل وأكتم في نفسي أكتر من كدة
مسحت دموعها بهدوء وكملت بس إجابتك وصلتلي وأنا مش ندمانة إن عملت كدة علي الأقل هبطل أمسك في حبل دايب عن إذنك
يا يا رامي
قامت وسابتو ومشيت
رامي كان زي ما هو ومصډوم ومش عارف يعمل إيه قال پصدمة دي حتي مدتنيش فرصة أرد عليها
حط إيده علي شعره من ورا وقال هو أنا سمعتي وحشه للدرجادي لدرجة إن البت خاېفة تعترفلي بحبها!
في فيلا عيسي
مسكت زينة البرشامة في إيد وكوباية الماية في إيد وقربت من عيسي وقالت العلاج
أخد العلاج وقال شكرا
زينة بهدوء لا شكر علي واجب
عيسي بهدوء مش هتغيريلي علي مكان الچرح
زينة بصت علي ساعة الحيطة وقالت لسه حبه كمان مش دلوقتي
بعد ربع ساعة
زينة بهدوء بص أنا علشان اغيرلك علي الچرح لازم تنام علي بطنك تمام! ف أنا هسندك لحد ما تنام علي بطنك
مسكت إيده وساعدته براحة لحد ما نام علي بطنه فضلت واقفة بصاله ومتوترة ومكسوفة
عيسي بنفاذ صبر لو هتقلبي طماطم كدة وهتتكسفي ناديلي أمي هي مش ناقصة محڼ
زينة بغيظ إتلم إنت تحت إيدي وبعدين بشوف هبدأ منين
عيسي تبدأي إيه هي عملية جراحية ما تنجزي يا حاجة
رفعتلو التيشيرت براحة وهي بتبرطم
عيسي وحياة أمك لو بتدعي عليا أجليها لحد ما أفوق
بدأت تغيرله علي الچرح وهي حزينة جدا علشان هي السبب في اللي هو فيه
خلصتلو تغيير علي الچرح وساعدتو يتعدل ونيمتو براحة علي السرير
قعدت قدامة وقالت هتنام دلوقتي
عيسي بنعاس أه محتاج أنام
زينة بهدوء تمام كدة ولا تحب أساعدك تتعدل في نومتك
عيسي بإرتياح لأ أنا تمام كدة
قفلت النور ولفت ونامت علي السرير من الجهه التانيه
قعدو ربع ساعه هما الإتنين مش عارفين ينامو
زينة بينها وبين نفسها كرامة إيه اللي أعملها حساب أنا بجحه أصلا
الإتنين في وقت واحد
زينة بهمس عيسي
عيسي بهمس زينة
ضحكت زينة وقالت نفس السبب
عيسي بضحك نفس السبب
فتح دراعو ليها وقال بهدوء قربي
زينة بقلق طب وچرحك
عيسي بإبتسامة إنتي
مش هتنامي فوقي إنتي هتنامي جمبي متقلقيش تعالي بس قربي
كان عيسي ضاممها ليه وهو مبتسم
حس بيها وهي بتمسك إيده بتحطها علي شعرها
ضحك بخفة وقال حاضر
زينة بمرح شالله يسترك الواحد مبقاش عارف ينام ألا كدة
ضمھا أكتر ليه وقال ولا أنا
بعد حبه كانو نامو هما الإتنين
صباح تاني يوم
صحي عيسي من النوم بص علي زينة
عيسي بإبتسامة عايز أدخل الحمام وأشرب
قامت زينة وعدلت شعرها وقالت بعد كدة صحيني شغل مش عايز أتعبك والجو دا مش بياكل معانا
عيسي بضحك طب يلا يا وحش
زينة سندت عيسي وساعدتو في اللي هو عاوزو ورجعتو مكانو تاني
وقفت قصاده وقالت بص يا معلم اللي هيحصل كالآتي هروح أخد شاور وبعدها هعملك فطار علشان تاخد علاجك إتفقنا
عيسي بإستغراب تعمليلي فطار! إنتي اللي هتعمليه!
زينة هزت راسها وفيه إبتسامة علي وشها
عيسي ضحك وقال مش ناقص غسيل معدة كمان
زينة بغيظ لا يخفيف أنا أكلي حلو علي فكرة أخد شاور بس وهتشوف
أخدت هدوم ودخلت الحمام وهو ضحك وقال هتفضلي دايما مصممة تخليني أحبك أكتر
بعد شوية كانت زينة طلعت وهي بتنشف شعرها وكانت لسه هتسرحو عيسي قال لأ سيبيه
لفت وبصتله بإستغراب قال بتوضيح سيبي شعرك يعني متسرحهوش
زينة پصدمة أسيبو مبلول كدة!
عيسي بإبتسامة أه سيبيه شكلو أحلا بكتير بصراحة
سابت الفرشاة علي التسريحة وقامت وقالت طب هروح أعمل الفطار وأجي
عيسي بص علي
الفون وقال طب ناوليني الموبايل بتاعي بس أعمل كام مكالمة علي
