سيده المكر
انتي بنت أصول يا
نورا واتوقعت انتي اول واحدة تقفي معاها
بصيتله بحزن وقولت
اسفة يا عمي مقدرش
ممكن انا اتكلم معاها
قالتها صافي من ورا عمي بصتلها پغضب فهز عمي راسي وطلع
قفلت الباب وقربت مني بصتلي بحزن عرفت انه مزيف وقالت
عندك حق تمشي بصراحة انا ست وعارفة الڼار اللي جواكي يا حبيبتي مفيش واحدة تقبل بضرة وانا لولا ظروفي مكنتش فكرت في ابيه عماد ابدا
الحزن والكلام ده تخدعي بيه حد تاني مش انا يا شاطرة عيب يا صافي انا في المكر ابقي امك
ابتسمت وقالت
كويس اننا فاهمين بعض يا نورا بس خسارة انتي هتطلعي دلوقتي برة وانا اللي هتجوز عماد انا خلاص يا حبيبتي اخدته منك
وغمزتلي وكملت بوقاحة
ومتقلقيش هخليه ينساكي
ومن غير ما احس ضړبتها قلم !!!!
القلم ده بدل اللي مش ضربهولك ابوكي بعد ما حطيتوا رأسه في الطين طبعا ما دام متساهل معاكي بالشكل اكيد مش هستغرب لو بقيتي حتي بنت ليل بدل ما تتكسفي علي دمك من اللي عملتيه بتبجحي بس صدقيني يا صافي انا اللي هقف في وشك هندمك علي اليوم اللي فكرتي تتحديني فيه ودلوقتي اطلعي برة
بقولكم بيتي هيتخرب يا جدعان نورا مصممة تتطلق انا عايز فعلا اساعد صافي لانها اختي بس انا كده بدمر بيتي وعيالي ساعدني يا ابويا
قول انك عايز تتخلي عن صافي يا عماد
لا يا عمي والله بس دي برضه مراتي وانا مش عايز اهدم حياتي انا جاتلي فكرة ايه رايك نجوزها لاشرف !!
بصله أشرف واتوتر وقال
انت عايز تبليني وخلاص
بصله عمه بحزن فقال
لا مؤاخذة يا عمي مش اقصد حاجة بس انا لسه صغير علي الجواز
انت يا عم متورطنيش مع الفلتانة دي ونصيحة اخوية انت اهرب مراتك جوهرة متخسرهاش بسبب ست كخة دي
انا عارفة اني عاملالكم مشاكل كتير
جات فجأة صافي وقالت بصوت مكسور حزين مزيف
بصلها أشرف بقرف الكل مخدوع في الشيطانة دي الا هو هو عارفها كويس عارف الاعيبها وعارف انها عنيها من الغبي عماد اللي هيدمر حياته بسببها
لسه هترد صافي جيت من وراها وقولت
هي فعلا
