اسيرة القاسې

تقيم مع والدته بينما ذهب هو ليقيم مع طارق حتى لا تخجل من وجوده فى نفس المنزل وبعد انتهاء الاسبوع سافر يوسف وطارق ورقية الى شرم الشيخ لحضور المؤتمر 
لا توجد اى اخبار فى المستشفى عن سميح فقد علمت هبه فى اليوم التالى لزيارتها للحاجة كوثر أن زملائه وجدوا غرفته فارغة ولا يعلم احد اين ذهب ولكن لم يهتم احد بهذا لأن سميح كان يسافر إلى القاهرة دون أن يخبر احد ويعود بعد فترة ولكن هبه كانت تشك أن يكون حمزة خلف اختفاء سميح ولكنها كانت سعيدة لذلك فمهما حدث له يستحقه 
مازالت سلمى تقيم فى فيلا كريم الذي كان يتجنب لقاءها بكافة الطرق منذ آخر لقاء بينهم وزاد حب حنين لها وخاصه بعد مرور فترة مرضها واستعادتها قوتها مرة اخرى واصبحت العلاقه بينها وبين هويدا مترابطة أكثر وأصبح قلقها من إيجاد عمها لها اقل من قبل

العلاقة بين فاطمة وعماد تلاشت نهائيا فمنذ آخر حديث بينهم وبين عبد الجليل لا يتحدث احدهم الى الاخر الا فى أضيق الحدود واستقر عبد الجليل معهم كما اتفقوا حتى يمنع عماد أن يقوم بأى عمل متهور بينما أصبح عماد لا يتحدث مع أى منهم ويخرج صباحا للشركه ولا يعود إلا على النوم مباشره
فى شرم الشيخ
كان طارق ويوسف جالسون يتناولون الإفطار عندما تقدمت منهم رقيه 
رقيه السلام عليكم و رحمة الله و بركاته
طارق ويوسف وعليكم السلام ورحمة الله و بركاته
رقيه استاذ يوسف فيه شويه جوابات لازم حضرتك تمضى عليها
يوسف حاضر اقعدي بس الاول فطرتى 
رقيه بخجل لا لسه
يوسف ازاى يعنى انتى عارفه انك لازم تاخدى الدواء بعد الفطار ازاى مفطرتيش لغاية دلوقتي
رقيه بتوتر من خجلها حاضر انا هقوم افطر اهو 
طارق خليكى قاعده افطرى معانا احنا بردوا لسه مفطرناش 
يوسف ابوه فعلا خليكى معانا بدل ما تفطرى لوحدك
رقيه بخجل حاضر بس هقوم اجيب فطار ليا
طارق وهو يقف لا خليكى انتى انا هروح اجيب لينا كلنا فطار من البوفيه 
بعد ذهاب طارق
يوسف ازاى تقعدى لغايه دلوقتي من غير اكل انتى مش عارفه الاهمال ده ممكن يعمل فيكى ايه
رقيه انا بس نسيت والله مش اكتر
يوسف ماشى سماح المره دى قوليلى صحيح مبسوطه من القعده مع ماما
رقيه بخجل ربنا يخليهالك هى بجد طيبه جدا بس انا بدور على شقه واول ما الاقى هنقل على طول 
يوسف ليه كدا هو فى
حد ضايقك ولا حاجه
رقيه لا ابدا والله بس انا حاسه ان شكلى بقى وحش اوى 
يوسف لا وحش ولا حاجه دا انتى جميله جميله اوى يا رقيه وانتبه لما يقوله وكمان ماما هتزعل اوى لو مشيتى علشان هى حبتك اوى 
رقيه بخجل ربنا يباركلنا فيها يارب 
يوسف وهو ينظر اليها بحب يارب يا رقيه يارب 
فى فيلا كريم 
كانت سلمى تركض خلف حنين ولم تنتبه البركه المياه الموجوده بجوار حمام السباحه ففقدت توازنها وسقطت على الارض سقطه قويه فحاولت حنين افافتها وعندما لم تستطع اتجهت ركضا الى والدها 
كان كريم يجلس مع والدته فى غرفة الجلوس عندما دخلت عليه حنين الباكيه تركض
كريم وهو يقف ويتجه اليها مالك يا حبيبتي بتعيطى ليه 
حنين پبكاء سلمى ماټت سلمى ماټت
هويدا وهى تربت على
رأيها اهدى يا حبيبتي وفهمينا 
كريم وهو لا يستوعب ما تقوله انت بتقولى ايه مين اللى ماټ وفين
حنين وهى تبكى سلمى ماټت عند البسين ماټت ذى مامى 
اتجه كريم وهويدا ركضا بأتجاه البسين ليجد سلمى الممدده على الارضيه بلا حراك فجلس بجوارها أرضا
كريم وهو يرا انها مازالت تتنفس سلمى سلمى سمعانى 
وعندما لم يجد منها ردا حملها واتجه مسرعا الى سيارته بينما هويدا تحاول تهدئة سلمى الباكيه 
بعد نصف ساعه
كان كريم ينتظر خارج غرفه المستشفى حتى ينتهى الطبيب من فحص سلمى وكان شاردا لا يدرى لماذا شعر أن قلبه توقفت دقاته عندما رأها ممدوده امامه بلا حراك اخرجه من أفكاره خروج الطبيب
كريم خير يا دكتور سلمى عامله ايه دلوقتى
الطبيب الانسه عندها كسر فى الذراع الايسر وشرخ فى الجمجمه وتحتاج تقعد معانا هنا فتره 
كريم بقلق ليه يا دكتور انتى مخبى عنى حاجه
الطبيب لا بس علشان نتأكد أن الشرخ الموجود فى الجمجمه ماثرش على اى من الوظائف الحيويه
كريم طيب ممكن اشوفها امتى 
الطبيب هى دلوقتى فاقت ممكن تدخلها 
كريم ماشى يا دكتور شكرا لحضرتك
ودخل إلى غرفة سلمى فرأها جالسه على الفراش تنظر الى النافذة شاردة بينما ذراعها اليسرى فى الجبيره ورأسها ملفوفة بالشاش ويبدوا على وجهها الارهاق 
كريم حمد الله على السلامه عامله ايه دلوقتى
سلمى وهى تنظر إليه الحمد لله امال حنين فين 
كريم فى الفيلا مع ماما مكانها دلوقتى اطمنها عليكى لانها كانت خاېفه اوى
سلمى انا اسفه 
كريم بدهشة اسفه ليه
سلمى علشان عطلت حضرتك عن شغلك
كريم لا ابدا المهم انك بخير 
كانت هبه تمارس عملها اخبرتها الممرضه بوجود الحاجه كوثر فى مكتبها فأنت اليها مسرعه
هبه وهى تصافحها اهلا بحضرتك عامله ايه
كوثر الحمد لله يا بنيتى وبلاش حضرتك دى جوليلى يامه لو ميضايجكيش يعنى اصل انى والله بحبك كنك بنيتى تمام
هبه ربنا يكرمك يا امى وانا والله بحبك وربنا عالم
كوثر طيب مدام بتحبينى ذى ما بتجولى مبجتيش تيجى حدانا فى السرايه ليه
هبه ابدا والله انا كنت بس مشغوله شويه اليومين اللى فاتوا دول
كوثر ربنا يجويكى يا بنيتى بس دلوجتى تاجى معايا نتغدوا مع بعض 
هبه بخجل بس اصل انا
كوثر لا لو عايزه تزعلينى متجيش انا جايه هنه مخصوص عشانك جولتى ايه
هبه بأبتسام حاضر يا امى من عنيا حاضر هأجى 
كوثر وهى تقف طيب يلا بينا العربيه واجفه بره 
هبه وهى تنظر لملابسها طيب اغير الاول 
كوثر وهى تتأملها مش محتاجه دا انتى جمر كده يلا بينا 
وبالفعل ذهبت معها إلى القصر واستقبلتها تفيده بسعاده 
تفيده اهلا اهلا بست الدكتوره السرايه نورت والله
هبه بأبتسامه تسلمى يا تفيده ده من ذوقك عامله ايه يا قمر 
تفيده بوجه محمر انى جمر ربنا يجبر بخاطرك يا ست الدكتوره
هبه بلاش ست الدكتوره دى قوليلى يا هبه على طول انتى ذى اختى 
كوثر بنت اصول والله يا بنيتى ربنا يسعد جلبك
تفيده اللهم امين ست هبه تستاهل كل خير 
وهنا دخل عليهم حمزه
حمزه اهلا وسهلا السرايه منوره
هبه بخجل منوره بأهلها والله شكرا لحضرتك
كوثر كويس انك جيت يا ولدى علشان نتغدى كلنا سوا
حمزه وهو ينظر لهبه بأبتسامه شكلك يا حجه دعتيلى فى ليله الجدر علشان اجى دلوجتى
كوثر وهى تلاحظ نظراته ربنا يسعد جلبك يا ولدى يارب 
بسم الله الرحمن الرحيم
لا تدع القراءه تلهيك عن الصلاه
الفصل الثالث عشر
فى الشركه 
كانت فاطمة فى مكتبها عندما دخلت عليها نشوى المبتسمه
نشوى انا سألت عليكى قالولى انك هنا
فاطمه وهى تقف لتصافحها اهلا وسهلا اقدر اساعد حضرتك
نشوى انتى مش فكرانى ولا ايه انا نشوى قابلتك قبل كده فى مكتب عماد
فاطمه ايوه طبعا فاكره حضرتك اتفضلى اقعدى
نشوى وهي تجلس أولا بلاش حضرتك دى ثانيا انا اسفه على الحركات اللى كنت بعملها مع عماد معلشى انا عملت كدا بس علشان اشوف رد فعلك لانى كنت فكراكى بنت عمه بس مكنتش اعرف انك مراته علشان كده انا اسفه مره تانيه
فاطمه حصل خير مفيش داعى للأسف
نشوى انتى بجد انسانه محترمه واحده غيرك كانت طردتنى او حتى مقبلتش أسفى بجد عماد محظوظ بيكى
فاطمه شكرا ليكى تحبى تشربى ايه
نشوى لا مش عايزه حاجه انا بس كنت جايه اتأسفلك واعزمك انتى
وعماد على الغدا النهارده 
فاطمه بجد شكرا ليكى بس مش هينفع علشان

عندى مشوار النهارده
نشوى ماشى نعوضها فى يوم تانى يا قمر استأذن انا بقى دلوقتي شكرا ليكى مره تانيه
فاطمه العفو يا نشوى اتشرفت بيكى 
فى قصر حمزه
على مائده الغداء
كانت حمزه يجلس فى منتصف الطاولة وتجلس على يمينه والدته وعلى يساره هبه يتناولون الطعام عندما دخلت عليهم عائشه
عائشه السلام عليكم 
كوثر عليكم السلام تعالى يا عايشه حماتك بتحبك 
عائشه متصنعه الخجل تسلمى يا مرات عمى ونظرت لحمزه كيفك يا ولد عمى وكيف احوالك
حمزه الحمد لله اجعدى يا عايشه اتغدى معانا
عائشه وهى تجلس بجوار
هبه كيفك يا دكتوره منوره السرايه
هبه شكرا ليكى دا من ذوقك
حضرت تفيده ووضعت الطعام الساخن أمام عائشه التى اصطنعت انها لم ترا طبق الشوربه واوقعته على هبه التى صړخت من سخونه الشوربه
حمزه وهو يقف خلى بالك يا عايشه فى حد يعمل كده
هبه وهى تحاول عدم البكاء حصل خير حصل خير 
كوثر يا جلبى يا بنيتى اكيد اتحرجتى الشوربه جايده ڼار
هبه بدموع محصلشى حاجه ممكن بس اروح الحمام
تفيده تعالى معايا يا ست هبه وانى هوديكى 
اتجهت هبه مع تفيده وهى تحاول التغلب على آلامها وعدم البكاء أمامهم 
حمزه انتى انعميتى ولا ايه يا عايشه مش شايفه اللى جنب ايدك
عائشه بلا مبالاه مختش بالى وكمان مهى ذى الجرد اهه محصلهاش حاجه
كوثر يا شيخه اتجى الله الشوربه جايده ڼار دى اكيد اتحرجت
حمزه بقلق معلش يا حجه روحى اطمنى عليها لو محتاجه حاجه نجبهالها
كوثر حاضر يا ولدى لا اله الا الله لا حول ولا قوه الا بالله
فى شرم الشيخ
كانت رقيه واقفه فى شرفه غرفتها عندما رن هاتفها المحمول فوجدت أن المتصل والدها
رقيه السلام عليكم و رحمه الله و بركاته ازيك يا بابا عامل ايه
عبد الحميد الحمد لله يا رقيه انتى عامله ايه
رقيه كويسه الحمد لله بتأخد الدواء فى ميعاده يا حبيبي
عبد الحميد ايوه يا حبيبتي بصى يا رقيه كنت عايز اطلب منك طلب
رقيه اؤمرنى يا بابا 
عبد الحميد انا كنت عايزك تبعتيلى ٢٠٠٠ جنيه ضرورى
رقيه ايه ٢٠٠٠جنيه هجبهم منين دول 
عبد الحميد من اى حته يا رقيه أنا محتاج الفلوس دى ضرورى 
رقيه بقلق محتاجهم فى ايه يا بابا انت تعبان يا حبيبي اجيلك واجبلك دكتور معايا
عبد الحميد مش تعبان ولا زفت انا عايز الفلوس لحاجه تانيه 
رقيه وقد فهمت ما يقصده حضرتك عايز الفلوس علشان خاطر تهانى صح يا بابا طيب مفكرتش انا هجيب منين ٢٠٠٠ جنيه مفكرتش فيا انا اسفه يا بابا بس الفلوس اللى معايا بدور بيها على شقه اقعد فيها علشان حضرتك طردتنى من شقتك
عبد الحميد فعلا ذى ما قالت تهانى انتى بنت عاقه بأبوكى كانت تهانى عندها حق لما طردتك من الشقه يلا روحى فى داهيه انا مبقاش عندى بنات ربنا يخدك ويريحنى من قرفك
كانت الحاجه كوثر تنتظر خارج دوره المياه لتطمئن على هبه التى طالت جلستها فى دوره المياه وفى هذا الوقت خرجت تفيده 
كوثر طمنينى يا بت هبه كيفها
تفيده عم تبكى الحرج كبير جوى وجالتلى اجيبها اى حاجه تلبسها علشان تتدلى للمستشفى
حمزه الذى تقدم منهم ليه هو الحرج كبير للدرجه دى
تفيده ايوه يا