خذلني مرتين

موجود لا بيتصل ولا بيسأل عملت ايه ولا انا بكلمة
عدي اسبوع كامل كنت فيه انا و ماما لوحدنا الموضوع طلع مرهق و مكلف شوية ماديا و حمدت ربنا اني قادرة البي احتياجات علاجة و رجع خالد من السفر من غير ما يبلغني ولما راح البيت و ملقاش حد طلع تلفونة واتصل بيا
خالد     انتم فين 
ميرنا     طب قول سلام عليكم الاول
خالد     سلام عليكم يا ستي انتم فين بقا
جيت البيت ملقتكيش
ميرنا     انا قاعدة عند ماما مكنتش حبه افضل لوحدي 
خالد     مقلتيش يعني 
ميرنا    وانت فين عشان اقولك 
خالد    اه طب مش هنتكلم ف تلفون لما ترجعي نتكلم     سلام 
مكنتش مصډومة بصراحة خدت نفس طووووويل و قمت سبت سليم مع ماما و روحت لوحدي
خالد     اومال فين سليم 
ميرنا     حمد لله على السلامه الاول 
خالد    الله يسلمك    فين سليم 
ميرنا     لما كلمتني كان نام والجو وحش صعب عليا انزلة دلوقتي الصبح هجيبو
خالد    ماشي    مقلتيش ليه ما تروحي ل ماماتك 
ميرنا     وانت بقالك اسبوع مش بتكلمني ليه 
خالد     احنا هنقضيها رد سؤال ب سؤال
ميرنا     خالد انت بطلت تتصل ولا حتي كلفت خاطرك من اخر مكالمة تعرف عملت ايه في موضوع سليم 
خالد بضيق     ما قلتلك اعملي اللي انتي عايزاة اعمل ايه تاني 
ميرنا بدهشه     تعمل ايه تاني وانت كنت عملت ايه اولاني هو دا مش ابنك زي ماهو ابني 
خالد     ميرنا انا مضغوط و تعبان بنزل إجازة ارتاح فيها عايزة تكملي في حوار الدكتور دا براحتك اعملي اللي تعمليه عن ازنك هنام
سبني و مشي وانا واقفه مش عارفه ادخل وراة اڼفجر فيه ولا اسيبة و مكلملوش ف الآخر سبتة و دخلت نمت في اوضه سليم 
عدي سنة كااااااملة ١٢ شهر وانا لوحدي بين جلسات تخاطب و تمارين و متابعه مع دكتور و أدوية ماما كانت تحاول تعوضني عن غياب خالد     خالد اللي اتغير كليا اهتمامة ب سليم قل اوي مكالماتة لينا بقت يادوب كل كام يوم مكالمة مش بتكمل دقيقتين     رافض يعرف اي حاجة عن علاج سليم رافض يسمع أو يشوف اي حاجة تخصه أما بقا أهله في السنة دي
هند بعيدة نزلت شغل جديد محتاج كل وقتها وهي ادتلو كل وقتها لا ليها تأثير سلبي ولا إيجابي زيها زي حمايا بالظبط اللي بيتعامل مع سليم ع أنة طفل طبيعي و مبيسألش ف اي تفاصيل تانيه 
أما بقا حماتي     ف هي مش بتفوت فرصه الا لما تسالني هيتكلم امتي الدكتور دا مش بيفهم أو الأخصائية دي حمارة ولما اشكر فيهم تقولي يبقي العيب فيكي انتي ومش عارفه تعملي اللي بيقولوا عليه كويس هاتيه ليا وسيبيه وانا هعرف اخد بالي منة و ف خلال شهر هخليهولك يتكلم 
كمية الطاقة السلبيه اللي حماتي كانت بتدهيالي كانت عاليه اوي ولازم بعد ما اقفل معاها انهار من العياط و ارجع ابص لابني
و افكر ان انا بس جيشه الوحيد ولازم اكون قوية عشانة 
ميرنا     دي كدة كل معلومات عن حاله سليم بالظبط
مديرة الانة     طب وجيباه هنا ليه 
ميرنا بعدم فهم     معلش مش فاهمة 
مديرة الانة     اقصد أن هنا الأطفال كلهم طبيعين مينفعش نحطة بينهم بصي رتك بيرفرف بايديو ازاي و حركتة زيادة شوية انا هعمل بيه ايه هنا اكيد في انات فيها حالات شبه حالتة ودية واحدة منهم اسفة جدا هنا هو مرفوض 
ميرنا     انتي بتتكلمي جد 
مديرة الانة    اكيد اسفة مرة تانيه و شرفتينا جدا
متسالونيش انا ازاي قمت مشيت من غير ولا كلمة     اصل انا كنت لسه مصډومة مكنتش مستوعبه اللي سمعتة منها مفوقتش غير وانا برة الانة خالص كتمت دموعي جوايا و حاولت انظم نفسي و فضلت في عربيتي ربع ساعه بحارب اني مبعيطش و بعدين طلعت علي الانة التانيه
مديرة الانة ٢     بصي يا مدام انا هكون صريحة معاكي 
ميرنا بصوت مخڼوق     اتفضلي 
مديرة الانة ٢     انا معنديش اطفال زي سليم بس انا شايفاه كويس حالتة مش صعبه واهم حاجة أنه مش عڼيف 
ميرنا مسرعه    لالا والله ما عڼيف خالص 
مديرة الانة ٢     تمام احنا هنة و نجرب سوا ونشوف الدنيا هتمشي ازاي 
ميرنا     اوكي شكرا جدا ل رتك
روحت وانا مخڼوقة و عندي طاقة ڠضب رهيبه بسبب اني مقدرتش ارد علي مديرة الانة و اتكرر في دماغي كلمتها سليم مرفوض وانا ابني يترفض ليه ميدهوش فرصه ليه يكون طفل طبيعي هيضر الاطفال التانيه في ايه حسيت اني من الخنقه اتوضيت و صليت ودعيت ربنا كتييييير يقويني ويصبرني و يشفهولي و اتمنيت من كل قلبي اسمع منه كلمة ماما 
و دخل سليم الانة و خالد بلغني
أنه مش هيقدر ينزل إجازة الا كل شهرين تلاتة و انا معلقتش عليه مبقاش فيه كلام اقولو بدأت اظبط اموري ع الوضع الجديد الصبح وسليم في انة شغل البيت و شغل اون لاين خاص بيا بداتة لما حسيت الضغط ذاد عليا ومحتاجة أفرغ دا في حاجة بحبها و لما سليم يرجع يتغدي و نشوف تمارين أو لو عندة جلسه و هكذا بس الاستقرار دا مدمش كتير لما في يوم رحت اجيبة من الانة و اتفاجات بالمديرة طلبه تشوفني و لما دخلتلها بلغتني 
الفصل الثامن
الحكايه الثانيه
لوحدي أقوي
اتفاجات بالمديرة طلبه تشوفني و لما دخلتلها 
ميرنا بتوتر     مساء الخير
مديرة الانة     مساء النور    اتفضلي 
ميرنا     ا احم بلغوني برة أن رتك عايزاني خير 
مديرة الانة     بصراحة أنا متأسفة جدا علي اللي هقولو بس ف خلال الاسبوعين اللي سليم قعدهم عندنا احنا مش عارفين نتعامل معاه نهائي عندي جدا و عايز ديما يمشي اللي في دماغة و موضوع رفرفه ايديه دا للاسف في اطفال قلدتة و اهاليهم اشتكوا ا انا اسفة جدا مش هينفع سليم يكمل معانا 
ميرنا مصډومة     ب بس هو كان مبسوط كان بيرجع من عندكم مبسوط مينفعش تحاولوا تاني و انا هحاول في موضوع رفرفه أيدية دا هكلم الدكتور بتاعه و ممكن اعتذر لاي وليه أمر اشتكت وافهمها الوضع 
مديرة الانة بحزن    انا اسفة والله مش هينفع
صدقيني دا راي الكل هنا بالاجماع اسفة مش هقدر اساعدك
هزيت دماغي و مشيت خدت سليم و روحت كانت ماما عندي ماما اللي عشان خاطري انا و سليم سابت بيتها و جت تقعد معايا وتساعدني لما كان باين عليا اني مضايقة
حنان    مالك يا حبيبتي مشكرة كدة ليه 
ميرنا     الانة بلغوني أن سليم مش هينفع يكمل معاهم 
حنان     لية كدة اي اللي حصل 
ميرنا    بيقولوا مش عارفين يتعاملو معاه وان في اهالي بدأت تشتكي 
حنان بحزن    لا حول ولا قوه الا بالله معلش يا حبيبتي محدش عارف الخير فين نشوف
غيرها لعلة خير يا بنتي
ميرنا     ربنا يسهل
تلفوني رن برقم خالد استأذنت من ماما ودخلت اوضتي و رديت
ميرنا     الو 
خالد     ازيك يا حبيبي عاملين ايه
ميرنا     كويسين 
خالد     ومالك بتقوليها من غير نفس كدة ليه 
ميرنا    خالد انا لسه متنكدة من
انة سولي ف بليز مش طلبة خناق 
خالد     لا ياستي مفيش خناق انا قلت اعرفك اني جاي بكرة عشان متتقمصيش 
ميرنا     ودا من امتي 
خالد    اهو شوفي مين اللي عايز يتخانق دلوقتي 
ميرنا     لا مش هتخانق عموما توصل بالسلامه
خالد     الله يسلمك حبيبي سلام دلوقتي اشوفكم بكرة باي
ميرنا     باي
ميرنا     ماما انتي فين 
حنان     تعالي يا ميرنا انا هنا مع سليم بنلعب 
ميرنا     ما انا كنت هبدء اشتغل معاه سبقتني ليه كفاية انك عملتي الغدا انهاردة ع ما خلصت شغل 
حنان     انا بلعب مع حفيدي ملكيش دعوة انتي وروحي ارتاحي شوية ناميلك ساعتين كدة وان شاء الله تصحي احسن 
ميرنا    ربنا يخليكي ليا حبيبتي خالد اتصل وبيقول جاي بكرة 
حنان     طيب كويس ياريت تتكلمي معاه بهدوء و يشاركك في مشكلة الانة دي دا حياتكم انتم الاتنين سوا يا بنتي 
ميرنا     ربنا يسهل يلا بس نتغدي سوا وبعدين ابقي اكمل انا مع سولي
حنان    ماشي لاني هتغدي واروح بقا
ميرنا     تروحي ليه 
حنان     عشان جوزك ال جاي بيتة بكرة دا انا ابقي براحتي وهو يبقي براحتة و تعرفو كمان تتكلمو براحتكم 
ميرنا بضيق     يا ماما لو سمحتي 
حنان قاطعتها     ميرنا انا قلت هروح يعني هروح بلاش ۏجع قلب بقا ويلا نتغدي 
ميرنا     ماشي يا ماما زي ما تحبي
وفعلا ماما بعد الغدا مشيت و انا خلصت تمارين مع سليم و عملت شوية حاجات في البيت و اخيرا نمت صحيت تاني يوم ع صوت ضحك سليم و صوت خالد بيلاعبة     فرحت اوي ابتسمت تلقائي اتسحبت وبصيت عليهم    كان شكلهم جميل اوي عينا دمعت انا بعترف ان جوزي وحشني حسة في البيت وحشني كلامنا و هزارنا لعبه مع سليم كل حاجة فيه وحشتني
خالد بحب     وحشتني اوي والله حقك عليا انا جيت اهو 
ميرنا     وحشتني اوي ليه بعدت عني كدة لية هه 
خالد     ممكن تهدي شوية عشان خاطري 
ميرنا     انا هادية اتكلم يلا 
خالد     لا دلوقتي انتم وحشتوني اووووي نقعد سوا و هننزل كمان شوية نروح ل ماما وبابا وحشوني اوي
عزمنا ع الغدا ولما نرجع نتكلم للصبح اتفقنا 
ميرنا ببتسامة    مع انك مخطط و مقرر و مقلتليش بس ماشي يا خالد عشان خاطرك اوكي 
خالد     حبيبي 
وعدو ساعتين من احلي لحظات حياتي نسيت كل حاجة مضايقاني نسيت ۏجعي و ضيقي كنت مبسوطة و سليم كمان حبيبي كان مبسوط اوي مبطلش ضحك و لعب و جة معاد مروحنا عند حماتي و كنت خاېفة تنكد عليا بس قويت نفسي وقلت اني مبسووووطة ومش هسمح ل حاجة تضايقني
محي    اهلا اهلا حبيب جدو وحشتني اوي 
رقيه     اوعي يا محي هاتة وحشني اوي    وحشتني يا سولي سولي حبيبي وحشتني 
خالد     طب وابو سولي وامة ايه يلفو ويرجعو تاني ولا ايه 
رقيه بضيق     هو لسه كدة دا متكلمش اومال كل دا كنتي بتعملي معاه ايه 
محي     رقيه وبعدين قلنا ايه
رقيه بدون قصد     ما حتي لو اتفقتو عليه تم بردو سليم اول فرحتي لازم تهتم شوية مكناش أمهات احنا ولا ايه
لاحظت توتر محي و خالد اللي كانت نظراتة ل ماماتة كلها لوم و عتاب
ميرنا بهدوء    وياتري من حقي اعرف اتفقتم علي ايه ولا مش من