حوريه
هخليها تشتغل. هيركبها علينا شكلو
قدرية بغيظ منه... انا مش عارفة جرالو ايه لا امبارح بيعلي صوته عليا بسببها
كملت بتفكير وشهقت مرة واحدة وقالت... تكونش عملتله عمل
رشا لسه هترد عليها
قاطعهم محمد اللي نزل هو كمان وخرج من غير ولا كلمة
قدرية بصتلها وقالت...شوفتي. انا متاكدة ان في حاجة. في حاجة احنا منعرفهاش. والبت دي اكيد عملتلو عمل. دا اول مرة يخرج من غير مايصبح عليا
...............
عند بيري بعد ماحورية راحتلها
حورية وهي قاعدة معاها... ها عملتي ايه شوفتي حد يعملي cv كويس
بيري...اتطمني انا اتواصلت مع ورشة عمل من اللي بيكتبو السيرة الذاتية بطريقة محترفة وكلموني من شوية وقالولي هيسلموهالك بكرة الصبح . متقلقيش هيكون معاكي احسن cv بروفيشنال تقدري تروحي بيه الانترفيو وانتي متطمنه.... وبعدين كده كده هتتقبلي انتي كنتي دايما بتجيبي امتياز ياحورية
حورية ابتسمت بتشفي وقالت... بشتغلهم في الازرق
كملت بتوعد وقالت.. وربنا لاخليهم كلهم يبقو تحت رجلي. و حاليا بستعد ل رشا
بيري بقلق عليها... خلي بالك اهم حاجه. دول ممكن ېأذوكي
حورية بثقة... متقلقيش. مش هيقدرو يعملو حاجة
قامت وهي بتقول... همشي بقا
وسلمت علي بيري واتجهت للباب ولسه بتفتحه اتفاجأت ب مامتها اللي كانت جاية هي كمان ل بيري بما انهم صحاب. لان سهام مامت حورية هي وبيري صحاب بردو
سهام... حورية
. ازيك
حورية بصتلها بجمود لكن ردت عليها بسخرية وقالت... اهلا ياسهام هانم
وعدت من جمبها ومشيت من غير ماتديها اي اهتمام
بيري قربت قعدت علي الكنبة وسهام هي كمان قعدت علي الكنبة اللي قصادها
بيري... وانتي مستغربة ليه ياسهام. هو انتي تعرفي عنها حاجة اساسا ولا بتسألي عليها
سهام... في ايه يابيري مالك انتي كمان
سهام ... اااه. قولي بقا ان الهانم كانت بتشتكيلك مني
بيري... هايفرق معاكي. ولا هتراجعي نفسك وهتحسي انك مقصرة معاها
هزت راسها ب لا وقالت... اكيد لأ
سهام بضيق.... وانتي عاوزاني اعملها ايه. اوافقها علي اللي عاوزة تعمله.. ولما تطلق هتعرف تتجوز تاني. اكيد لا
سهام... وهي طفلة علشان كنت هاقعد بيها.!!!!
بيري... اه..اه كانت طفلة وقتها. كانت في اكتر وقت محتجاكي فيه. بس انتي عملتي ايه. سبتيها
