اه من سكر بقلم زهرة الربيع
سبتني انا واتجوزت العيله دي
يامن لسه هيتكلم سكر حطت ايديها في وسطها وقالت مالها دي يا حبيبتي لكون مش عاجباكي
بشړي بصتلها من فوق لتحت بزهول من شكلها و لبسها وقالت ايه ده ايه ده كلمني
اهل يامن كانوا واقفين بره اتدخلت والدتو وقالت بصي يا حبيبتي احنا هنفهمك اللي حصل ده والله جواز على الورق وبس انتي عارفه يامن بيحبك
سكر رجعت شعرها لورا عايزه تغيظها وقالت..دي اقل حاجه عندي لو مكانش على الورق كنت لقيتي شكل تاني خالص
يامن مقدرش يمسك نفسه وكان عايز يضحك على طريقتها وبشرى بصتلهم بغيظ وقالت.. خليهالك اشبع بيها ورمتلو دبلتو في وشو ومشيت بسرعه
يامن لسه هيمشي وراها سكر مسكت ايده وقالت اوعى تروح وراها
قفل الباب پغضب وبصلها وقال .. اقدر افهم عملتي كده ليه
سكر بصتلو بابتسامه وقالت..وانا ذنبي ايه بقى في اللي حصل اذا كانت مش مصدقاك انا داخلي ايه...بس بصراحه هي معها حق ازاي عايزها تصدقك وهيه ظبطاك مع قمر زيي
يامن بصلها بسخريه قال ...وفين القمر ده... امر بالستر يا اختي
يامن ابتسم وقرب عليهاوقال عايزه تعرفي كنت بعمل ايه معاكي
سكر ابتسمت وقالت..اه عايزه اعرف
يامن قرب اكتر وقال...يا بت متاكده عايزه تعرفي
سكر هزت كتفها وقالت..اممم عايزه
بقى يقرب منها
سكر ضحكت وقالت ...بس بقى يامن ما تزودهاش لاخبطك على دماغك والله
بس مردش وبقى يفرب اكتر ..وهبه ممنعتهوش بس ومقدرش يكمل وقال هو احنا بنعمل ايه ...كده غلط ..احنا هنتطلق يا سكر مينفعش اذيكي كده
سكر بصتلو باستغراب وقالت... نطلق
يامن قام وقال طبعا هنطلق ..احنا متفقين على كده
لسه هتمشي مسك ايدها وقال بحزن طب انت زعلتي ليه
..اانتي مش كنتي عارفه كده من الاول
سكر نفضت ايده پغضب وبصتله وقالت...و انا هزعل ليه اللي خلقك خلقش غيرك انا اصلا مش عايزاك تمام مش عايزاك ....بس مقدرتش تكمل وبقت تبكي ودموعها تنزل ڠصب عنها
يامن قال كده و اخذ هدوم ودخل على الحمام وهي قعدت وحطت ايديها على وشها وبقت تبكي مش عارفه ايه اللي مضايقها قوي كده
بعد شويه خرج وقال انا هروح اسلم على الناس تحت عايز حاجه ابعتلك حد
سكر قالت بضيق قول لماما تطلع لي علشان تجيب لي حاجه البسها
يامن ابتسم وفال..حاضر بس هتفضلي مكشره كده لامتى
سكر بصتلو بضيق وقالت ...وانت مالك اكشر ولا اتفلق حتى
يامن ابتسم وقال... لا طبعا دخلي..انا ما يهونش عليا ابدا تزعلي كده
سكر بصتلو بدموع وقالت... هو انت بتحبها قوي يعني ايه يا مميز فيها... يعني علشان طويله شويه
يامن ضحك بخفه وجذب شعره لورا وقعد جنبها وقال لا على فكره مش مسالة طول لانو اتضح لي ان القصيرين اجمد بكتير
سكر قالت بدموع
....طب ليه طيب
يامن بصلها بحنيه وقال . عشان مخطوبين من بدري ومتفاهمين
