حطالي ايه في القهوة 

انتي حطالي ايه في القهوة 
ملح 
_ نعم انتي متخلفه يبنتي 
في تركيا بيحطوا ملح في القهوة ولو العريس متكلمش يبقي هيستحملها لو اتكلم يبقي مش بيحبها وانت صوتك مسمع عند عم ابراهيم بتاع السوبر ماركت
_ مستشفى بسرعة غسيل معدة مش قادر 
واد فافي اوييي! متجمد يمعلم
_ دييي شوري طين علي دماغك قولتلهم مش عاوز اتجوز 

والله وانا كمان قولت ويوم متجوز اتجوزك أنت!
_ لا ثواني مالي يحبيبتي
يسطا انت مهندس انت راجل ولا عيل 
_ لا مهندس 
اهو شوفت! حاسبين نفسكم نوع تالت معانا اتفضل يا استاذ معندناش بنات للجواز 
_ طب اهدي وارسي بقي احنا الاتنين مش موافقين دي حاجه متفقين عليها نشوف صرفه بقي مع امي وامك عشان اتخنقت
أنجز عشان أنا مش طايقه اقعد
_ طب خفي وفكري معايا في حل 
فكر انت أنا مصدعة 
_ لا حول ولا قوه الا بالله بصي احنا هنتخطب كام شهر لما يشوفوا المشاكل بينا هيقتنعوا أننا مننفعش لبعض 
نتخطب كام شهر واضيع وقتي معاك لييي اصلا 
_ هتخلصي من زن امك الي بقاله سنتين وانا كمان اخلص من العكننة بتاعت امي بدل ما بتنصبلي الصوان كل لما اقول لاء 
ماشي موافقه تلت شهور وبس مع اني شاكه أننا هنكمل تلت ايام
_ والله ابقي اعصري علي نفسك لمونة واستحملي
بس انت ملكش دعوة بيا ولا أنا ليا دعوة بيك هي خطوبة شكلي كده وكل واحد يعمل الي هو عاوزه
_ تمم موافق 
جيران من واحنا صغيرين مفيش موقف حصل بينا غير وبينتهي ب خناق وزعيق وسط كل دا أمه وامي شايفينا مننفعش غير لبعض لو ركزوا شويه هيلاقوا أننا ننفع ل اي حد الا واحنا سوا .
_ طب ودييي
لا