ايلول بقلم مريم منصور

غير وهو ونص فريقه فوق رأسي بيطمنه عني لكن مردتش فزعق لشخص ما
أنت متخلف يا بني متخلف!! كنت عايز تردها ل وائل يبقي براحه مش بطريقه دي ولا اتغليت علشان جبتها جول فيك! تبقي متخلف ومعتوه بجد لو فكرت تخبطها فيا وقامت جت فيها والله متخلف وغبي وميتعلبش معاك يا بني..
قاطعته بدوخه
يا عم انت عمال توبخه وانا بيغمن عليا هنا يا عم اتلحح وانقذ الموقف بودع.
قرب وميل علي أرض جانبي
طيب اعمل ايه
مش عارفه بس دماغي بتوجعني!
كنت اول مرة اعيط قدام حد وكنت اول مرة أخاف وانا لوحدي فحاول يشعجني وقال
علي فكرة أنت هتبقي كويسه والله وبعدين قومي ادي للواد ده شولتين علشان مضيقني.
ده انا هفرم أمه بس لما اقوم بس.
ضحك
هي دي أيلول ولا بلاش عايزاك بس تساعديني وتقومي علي حيلك علشان اوديك المستشفي ماشي
عيطت اكتر
ماشي بس أنجز علشان حاسه اني فوق دلوقتي.
فوق فينانت عاملة دماغ
قالهالي شاب من الواقفين فكلمه سيف وهو بيقوم
ملكش دعوة بيها ها..ملكش دعوة بيها.
و جري يجيب عربيته وفي دقايق كنت في المستشفي قاعدة دايخه وبقول اي كلام وهو بيضحك علي اللي بقوله وكمان بيسيريني علشان يسحب مني الكلام!
أنت خرتيت ليه
ضحك
مش عارف بس قوليلي عايزة ايه وانا هعمله حاضر.
حطيت ايدي علي رأسي
عايزه سنتدوتش بانيه.
بس
لأ وعايزه 7cola علشان أحرف ابلع.
مش عايزه مخلل طيب
عيطت وانا حطه ايدي علي دماغي
اكيد عايزة مخلل وكمان كاتشب ومايونيز.
طب أنت هفتانه ولا اية
لأ بس دماغي طلبت كدة وانا عايزه اوسيها.
بلم لثواني
عايزه تواسي مين دماغك المخبوطه!!
رديت بأه فملامحه اتبدلت لأنزعاج وهو بيقوم
كان عنده حق لما قال عمللها دماغ.. وبعدين جبتيلنا الكلام معاه لية اصلا ده انسان لا يطاق.
قمت براحه ومشيت وراه
هي الناس كلها عندك لا تطاق 
ألتفت ليا وهدي خطواته
لأ بس مدي شويه علشان وحياة امي سقعان وما قادر.
بصيت عليه بطرف عيني لقيته بلبس الكورة ومغيرش! فضحكت بصوت
ايه بقي اللي بيضحك
أنت خدت بالك قولت إيه
رد بأقتضاب
لأ.
فضحكت
قولت وحياة امي معني كده اني خرطت عليك يا سيف!
وحطي عليهم جايباني علي ملا وشي زي الكتكوت المبلول من غير ما اغير وسقعت!
عادي عادي الرجاله اهل تحمل.
أتأفف بسخط وهو بيفتحلي باب العربية
بس مش بطقم صيفي ونص كم في قلب التلج ده!!
ولا انت بتزعقلي ليه
قولتها بصوت ضعيف
فنفخ
حتي وأنت تعبانه بتبرطمي..
حاول يبتسم
بس انا اسف يا ستي ها ممكن تركبي
طب والساندوتش
هجبهولك والله بس لما نلاقي محل وبعدين متقلقيش أنا بنفسي هطلعك لأهلك بعصايرك بأكلك بعلاجاتك.
أستفزني رده فريحت رأسي علي الكرسي
كفي نفسك يا بابا الأول كفيها وبعدين تعالي اتكلم.
وبعديها سكت وبدأ يسوق في صمت تام لكن كل شوية يبصلي بتردد
أنت عايز إيه
سألته وانا مغمضه عيني فنهدش
عرفتي ازاي
منا مش نايمة في الأحلام يعني ومش بحس! ده كفاية سواقتك اللي بتتلكك بيها علشان افوق.
قلبت بطنك صح
بصيت يغيظ
لأ قلبت دماغي المقلوبه خلقه.
ضحك وبعدها اتحمحم بأحراج
طيب شكلي ضيقتك بكلامي من شويه بس كان قصدي اني المسؤول عن اللي حصلك ومتكفل بأي حاجة.
ايه متكفل دي هي اللي اتخطبت عربية!
دي رأسكعارفه يعني ايه رأسك يعني مش هنلقيها عند اي حد تاني ومش اي حد تاني أيلول!
حاولت أداري ابتسامتي
طيب ماشي بس انت مش مسؤول ولا حاجه وبعدين لو أهلي عرفوا انك السبب هيمسكوا في زمارة رقبتك.
دي النرفزة عندكم وراثه بقي
ههه عسل بس متتكلمش تاني.
وغمضت عيني وكملت
وياريت بقي مشوفكش تاني.
هنشوف لو الدكتور عاجبه الكلام ده ولا لأ ده غير لما اشوف مسؤولك الاولاني حضرة الوالد.
وده لية إن شاء الله
ابتسم بسماجه
علشان نتأسف علي التلفيات