القصر

خلاص ايه بقى الحاجة التانية 
لا لا مش وقتها يالا دلوقتي ندور على الشيخ صالح 
وفجأة واحنا لسه هنتحرك لقينا حسني وخالد جايين علينا بيجروا كإنهم بيهربوا من حد ..
واتضح ان مش انا بس اللي خدت بالي من الحكاية دي وليد كمان لاحظ وقالي 
الصورة دي فيها حاجة غريبة زي ما يكون الرجل دا لسه صاحي 

لسه صاحي ازاي يعني دي صورة يا حبيبي مش موم يا صوووورة ورق وزيت 
بص كدا بص في عينه هتلاقيه باصص في عينيك ابتسامته كمان بتتغير يعني هو دلوقتي مكشر اول ما جينا كان بيبتسم انا متأكد والس يف دا كان ماسكه بإيده اليمين دلوقتي هو ماسكه بالشمال كل دا وتقولي صورة احنا لازم نخرج من المكان دا دلوقتي حالا رهان ايه وزف ت إيه اللي هيعمل فينا كدا انا ماشي 
نمشي ازاي ونسيب خالد جوا يعني 
ماليش دعوة انا همشي يعني همشي
ما تكبر بقى يا وليد وتبطل معيلة قولنالك هنت نيل نمشي بس الواد اللي جوا دا لو خرج وملقاناش مش بعيد يتسرع احنا هنقف نستناه هنا قدام الصورة عشر دقايق بالظبط لو مجاش هندخل ندور عليه ساعتك كام دلوقتي 
عشرة ونص 
عشرة ونص ازاي يعني اذا كنا داخلين القصر الساعة عشرة ونص انت ساعتك واقفة وقلبك خفيف وحالتك حالة ساعتك كام ياد يا حسني 
عشرة ونص !!!
نعم ازاي يعني 
مش عارف وانت ساعتك راحت فين 
الاستيك بتاعها اتقطع واحنا بننط السور شيلتها في جيبي
طب ما تبص عليها 
اهي .. 10 31 
إشمعنى انت اللي زايد عننا بدقيقة 
عشان انا شبكتلكم كلكم ودخلت وبعدين نطيت السور انا آخر واحد دخل القصر 
ايوه .. معناته ايه الكلام دا بقى 
معناه ان الوقت جوا القصر دا مبيمشيش يعني النهار مش هيطلع علينا كان لازم أصدق كان لازم أصدق 
تصدق ايه 
مفيش مفيش 
قول يا عمر انت مخبي ايه عننا 
كنت قريت في الكتاب بتاع القصر حاجة غريبة بتقول ان آخر عشر سنين من عمر القصر كانوا ليل بس النهار مكانش بيطلع على القصر دا 
نعم 
مش دي المشكلة دلوقتي 
هو لسه فيه مشاكل اكبر من كدا 
ما هو انا يا عم وليد لو خدت كل الحكايات اللي اتذكرت في الكتاب دا على محمل الجد يبقى دا معناه أننا هنقابل حمدان النهارده
حمدان مين 
لا يا عم مش معقول دي تخاريف متدخلش العقل 
انطق يا ابن المركوب حمدان مين 
حمدان دا واحد من ضحاېا الباشا الباشا ق تل جواهر بنته الوحيدة فهو ق تل الباشا بس ق تله بعد ما مت 
يعني ايه ق..تله بعد ما مت 
حسب ما قريت في الكتاب ان حمدان كان شغال في الس حر الأسود وكان مخاوي ج ن لما الباشا قتل بنته حمدان انت حر وراها انت حر جوا القصر وفضلت روحه متعلقة في المكان اللي مت فيه لأنها روح ساحر فبقت روح ملع ونة فضل يطلع للباشا بالليل لمدة شهور خلاه لا عارف ياكل ولا ينام لحد ما لقيوا الباشا في يوم مض روب بس محدش يعرف مين اللي عمل كدا حمدان وللا حد من اللي شغالين في القصر وللا الباشا نفسه هو اللي زهق وم وت نفسه ..
وانت بقى جيبت كل الكلام دا منين 
من الكتاب 
طب ما المح روق الكتاب دا أنت حكيتلنا كل اللي فيه اول مرة يعني نسمع الكلام ده ليه 
عشان انا مكنتش مصدق الخرفات دي انا خدت من الكتاب بس الوقائع التاريخية اللي ممكن تتصدق ..
ساعتك كام دلوقتي العشر دقايق خلصوا 
عشرة ونص ودقيقة 
وانا ساعتي عشرة ونص 
مش ممكن العقارب كلها بتتحرك والساعة لسه عشرة ونص احنا لازم نمشي من هنا حالا 
طب وخالد 
هنروح تحكي لابوه اللي حصل يبعت كام غفير على كام عسكري من عند ابويا يطلعوه إنما لو استنينا في المكان دا اكتر من كدا هنم وت كلنا ومش هنلاقي اللي يخرجنا
طب استنى استنى فيه نور في آخر الطرقة اهو وصوت رجلين خالد جاي اهو ناخده معانا ونخرج
بس لما قرب مننا لقيناه مش خالد واللي حصل بعد كدا كان فظ يع .. فظ يع جدا
انتظروا الحلقة الرابعةالقصر
الحلقة_الرابعة
خالد وحسني جايين علينا اهوم يا عمر بس خالد ازاي مش خالد اټقتل وللا هو صحي تاني وللا يكون ما اتقتلش اصلا والراس دي بتاعة واحد شبهه ما ترد عليا يا عمر ساكت ليه
اجري يا وليد 
بتقول ايه يا عمر بقولك خالد وحسني اهوم عايشين وبينادموا علينا اني سامعهم
بقولك اجري يا وليد اجرااااااي 
وفضلنا نجري وندخل في ممرات ونخرج من ممرات لحد ما وليد نفسه اتقطع من الجري ووقف 
وقفت ليه يا وليد ما تكمل جري 
مش قادر ومش هتحرك من مطرحي غير لما تفهمني فيه ايه
احنا بنجري من خالد وحسني ليه 
خالد ماټ يا وليد وحسني كمان ماټ 
انت بتقول ايييه 
اللي سمعته خلاص مبقاش فاضل غيري انا وانت مينفعش اخبي عنك اي حاجة لازم تعرف الحقيقة عشان لو حصلي حاجة تقدر تكمل انت لوحدك لحد ما تخرج من هنا 
حقيقة ايه اللي انت مخبيها يا عمر 
الكتاب يا وليد انا مش كنت قولتلك ان فيه حاجتين قريتهم في الكتاب ومصدقتهمش
إيوه قولتلي واحدة فيهم ولما سألتك عن التانية قولتلي مش وقتها ..
واهو جه وقتها 
انت بتتكلم بالالغاز ليه يا عمر ما تفسر كلامك حاجة ايه اللي قريتها في الكتاب 
كل اللي اتقتلوا في القصر دا او ماتوا جواه ارواحهم بتطلع هنا فيه ارواح طيبة وفيه أرواح شريرة والحړب دايرة بينهم جوا القصر دا من 200 سنة كل معسكر من الاتنين عنده نداهة حاجة زي المندوب كدا شخص شغلته يجيب ناس القصر دا يمشوا وراه زي المسحورين لحد ما يدخلوا القصر ساعتها الزمن بيقف مبيتحركش وسور القصر بيعلى بص معايه من الشباك دا كدا شايف سور القصر بقى عالي ازاي اربعة متر على الاقل دا اللي كنا بنشبك لبعض واحنا داخلين عشان نعديه احنا وقعنا فريسة بين معسكرين من الارواح معسكر الارواح الطيبة ودا شامل كل ضحاېا الټعذيب اللي ماتوا على ايدين الباشا ومعسكر الارواح الشريرة ودا شامل كل رجالة الباشا اللي كانوا بيساعدوه في قتل الناس زي مرجان اللي كان عايز يقتلك لو كان قټلك كان زمانك بتجري ورايا دلوقتي زي خالد وحسني 
اني مش فاهم من كل ده غير حاجة واحدة بس ان انت اللي ډخلتنا المكان الملعۏن ده وانت السبب في مۏت خالد وحسني واديك قريت واعترفت بلسانك ان القصر له نداهة انت بقى النداهة اللي ډخلتنا القصر دا 
الشخص اللي بيقوم بدور النداهة يا وليد بيكون مسحور زيه زيكم الارواح بتستخدمه انا قريت في جرنال قديم من التمانينات ان كان فيه صحفي فتح ملف القصر دا وكتب عنه سلسلة مقالات وعمل دعوة للمثقفين والمهتمين بالسياحة والآثار ييجوا يدخلوا القصر دا بنفسهم ويهدموا الاسطورة اللي اتبنت حواليه ونادى ان القصر دا يتحول متحف يبقى تحت ادارة الدولة ..
وبعدين ايه اللي حصل 
قدر يجمع 62 واحد من المهتمين بحكاية القصر ما بين مثقفين لطلبة جامعة لناس عندهم فضول وعايزين يتفرجوا ودخلوا القصر كلهم