كيف تسرق قلبا

من عقلك مسمي اللي حصل بينا ده جواز انا جيت علشان اسرقك لقيتك بتقول اي كلام ونكتب ورقتين ومش نكتب ورقتين
اخدتك على قد عقلك و كتبتهم معاك انما ده لا جواز ولا نيله 
جنات بلعت ريقها بارتباك ونزلت عيونها وقالت ولا حاجه بعدها اغمى عليك وانا مشيت
يزن ضحك وقال قصدك ومشيتي
جنات بصتلو بغيظ وقالت انت عامل الحوار ده كله ليه هم حته 5000 عمي اللي كانوا في المحفظه وهرجعهم لك

يزن بص لها بدهشه وقال ولما هم 5000 عمي ومش مستاهلين تعملي عليهم الحوار ده ليه
جنات بصتلو بحزن وقالت بدموع يا استاذ يزن والله العظيم انا متربيه كويس ومليش في القصص دي اصلا كل الحكايه ان انا واختي يتامى وهي كانت عايزه تدخل الجامعه وكانت عايزه مصاريف ومرات عمي رفضت وقالت احنا مش معانا وكانت عايزه تطلعها من الجامعه زي ما طلعتني انا اختي بقت تبكي كثير وانا وعدتها هدخلها لقيت نفسي بعمل اللي عملته ما كنتش اقصد اي حاجه غير اني اقلبك في قرشين بس وهبت منك وبقيت
تقول نتجوز ومش نتجوز يعني الورقه دي كتبناها بخط ايدنا له جواز ولا نيله وانا هرجع لك فلوسك وعفى الله عما سلف احنا صدقنا ما ربنا كرمنا وهنتجوز و
يزن قاطعها وقال اه صدقتو ما اصتادتو عريسين عجب انتي فاكره لما تقولي الكلام ده هتصعبي عليا انتي واحده حراميه واللي اتسرق من
جنات بصتلو باستغراب وقالت ليه ده انا حاجتك كلها والله العظيم معايا مش ناقص غير هم بس ال 5000 اللي كانوا في المحفظه وهامنهم لك
يزن قرب منها وبص لعيونها وقال لا انا عايز مراتي انا كتبت عليكي رسمي بقى ولا سوري بمحكمه ولا مش بمحكمه المهم ان انا وانتي كنا قابلين وعملنا اشهار 
جنات قعدت پغضب شديد قالت اللهم طولك يا روح يا بني ادم انت افهم لو عريسي عرف باللي حصل ده غير ان انا خطوبتي هتتفشكل ممكن اختي نفسها تتاذي بالموضوع ده انا عملت كل حاجه علشانها انا 
يزن راح ناحيه اوضه النوم وهو بيضحك وقال بضحكلك انا كمان عشان تحسي بالضحكه ومشي على الاوضه باستفزاز
هي بقت تبص للمكان وجريت على الباب بقت تحاول تفتحه بس ما كانش بيتفتح وسمعت صوته من جوه بيقول متتعبيش نفسك الباب مش هيتفتح بالسهوله دي ثاني حاجه حتى لو طلعتي مش هتعرفي نفسك انت فين ولا هتعرفي ترجعي ثالث حاجه بقى لو رجعتي هتلاقيني في قفاك على طول وهتشوفي الفضايح هيبقى شكلها ايه
بقلم زهرة الربيع
جنات اتنهدت وقعدت على الكنبه وحطت ايديها على دماغها وهي مش عارفه تعمل ايه
في شقه اهلها كانت قاعده اختها وپتبكي ووحيد عندها وبيقول يا بسمه اهدي يا حببتي ممكن يعني يمكن تكون راحت عند حد من صحابها وهترجع
مرات عمها قالت يا ابني دي قالت هارمي الزباله وارجع طلعت بلبس البيت استنينا ساعه واثنين وما رجعتش مش عارفين نعمل ايه معلش هي بسمه خاڤت على اختها ورنت عليك انت ما لكش ذنب في الحوار ده كله
وحيد قال بسرعه لا طبعا انت بتقولي ايه انتوا بقيتوا عيلتنا يا طنط بس يعني ممكن نبلغ البوليس ولا ايه
مرات عمها قعدت وقالت انا مش عارفه انا حاسه ان الولد بتاع البيتزا ده هو السبب كان بيحاول كده يخبي وشه مني سمعتها بتتكلم معاه وبعدها على طول نزلت وراه
وحيد قال باستغراب طب ما تعرفيش شكله ما
تعرفيش توصفيه
مرات عمها قالت لا